இன்பமும் துன்பமும்

உடல் நலம் பாதித்தது
மருத்துவரிடம் சென்றேன்
மருத்துவர் ஊசி வழியே
உடலில் மருந்தை செலுத்தினார்
ஊசி போட்டது வலித்தது
உடல் நலமானது
ஊசி போட்டதால் வந்த வலி துன்பம்
ஊசி போட்டதால் நலமானது மகிழ்ச்சி
இன்பமும் துன்பமும் இணைந்து செயல்படுகின்றது

குழந்தையை பெறும்போது தாய்க்கு வலிக்கின்றது
குழந்தையை பெற்ற பின் தாய் குழந்தையை பார்த்து மகிழ்கின்றாள்

வாழ்வில் பெரும் பகுதி மகிழ்வில்தான் கழிகின்றது
வாழ்வில் சிறு பகுதியே துன்பம் நம்மை வந்தடைகின்றது

துயரம் நம்மை தூய்மை படுத்துகின்றது
துன்பம் நம்மை சிந்திக்க வைக்கின்றது
துன்பமும் இன்பமும் நீடித்து நிற்பதில்லை

இன்பம் வந்தால் இறைவனை மறக்கிறான்
துன்பம் வந்தால் இறைவனை நினைக்கிறான்

எல்லா நிலையிலும் இறைவனை நினைப்பவன்
எல்லா நிலையிலும் சமநிலையில் இருக்கிறான்