உயிரில் கரைத்துப்போக வந்தேன்

என் உயிரை
என் உயிரில் கரைத்துப்போக வந்தேன்
அங்கே என் உயிரே இல்லை

பொழுதும் மாறும் புதினமாகிவிட்ட
நெஞ்சோடு போராடும் நெருப்பு உயிரிடம்
என் உயிரின் வேர்களுக்கு
நீர் எப்படிக் கிடைக்கும்

ஆனபோதிலும்
என் சொர்க்கங்களில் சில
மறைக்கப்பட்ட உன் திரைகளைத்தாண்டி
என்னிடம் நீண்டதைக் கண்டேன்

தடுப்புகளை உடைந்தெறிந்துவிட்டு
விழிகள் பேசிய மொழிகளைக் கேட்டேன்

ஒரு முறை விரிய ஒரு ஜென்மம் மலர
என்று எனக்கு ஜென்மங்களை வழங்கிய
இதழ்களைப் பார்த்தேன்

எழவும் மறுக்கும் கால்களோடு
இயங்கவும் மறுக்கும் இதயத்தோடு
நான் வரவில்லை நீ போ என்று
ஒப்பாரி வைக்கும் உயிரோடு
உன்னைவிட்டு விடை பெற்றேன்

சொர்க்கமும் நரகமும் ஊஞ்சலாடும்
விளையாட்டின் பெயர் என்ன?

நன்றி :http://anbudanbuhari.blogspot.com

------------------------------------------------------------------------------------