உன் விரல்களை என் விரல்களால் பற்றிக்கொண்டு

என்னை
அனாதை விடுதிக்கு
அழைத்துச் சென்றாய்
உன் விரல்களை
என் விரல்களால் பற்றிக்கொண்டு
கம்பீரமாய் நடந்து வந்தேன்
அன்றுமுதல்
நான் அனாதை இல்லை
என்றானேன்


-------------------------------------------------------------------------------------------------------------

கடந்து பறந்து போயே போய்விடுகிறாய்

---------------------------------------------------------------------------------------------------------------

நான் உயிருக்குயிராய்க்
காதலிக்கும் உன்னிடம் கேட்டேன்
ஒரு நாள்கூட நீ என்னைக்
காதலித்ததில்லையா
என்று

நீ சொன்னாய்
யோவ், ஒரு நாள்கூட
நான் உன்னைக்
காதலிக்காமல் இருந்ததில்லையா
என்று

காத்திருந்த கண்ணீர்
சட்டென்று இமைக்கரை ஏறி
எரிமலைக் குழம்பாய்ப் புரள்கிறது

சரி போடீ
உன்னிடம் பேசி
ஒரு பிரயோசனனும் இல்லை
என்று அழுகிறேன் நான்

என்னை மன்னிச்சிடுய்யா
என்று கூறி
என் உயிர்த் தோட்டம்
கடந்து
பறந்து
போயே போய்விடுகிறாய்


நன்றி: http://anbudanbuhari.blogspot.com