*
முயன்று பார்
முடியாதது இல்லை
செய்துப்பார்
செம்மையாகாதது இல்லை
*
இன்பத்தில் இறுமாப்புக் கொண்டுவிடாதே
துன்பங்கண்டு துவண்டுவிடாதே
எதுவுமே நிரந்தரமில்லை
மாறிமாறி வருவதே வாழ்க்கை
*
வாய்ப்புகளை தேடு
வருத்தத்தில் வாதிடாதே
வருவதை எதிர்கொண்டு
இருப்பதை இனிதாக்கிக்கொள்
*
இல்லாதோருக்கு கொடுத்துப்பார்
இருப்பதெல்லாம் இனிக்கும்
பெறுபவர் வாழ்வார்
கொடுத்தவர் வாழ்வாங்கு வாழ்வார்
*
நட்பு கொள் ஒருமித்த கருத்து கொண்டோரோடு
அதிக நெருக்கம் கொள்ளாதே.
எதிர்ப்பு கொள் கருத்து வேறுபாடு கொண்டோரோடு
எதிரியாக்கிக் கொள்ளாதே.
*
உன்னை நம்பு
ஊரோடு ஒத்துவாழ்
ஒற்றுமை ஓங்கும்
சகோதரம் நிலைக்கும்
*
மனதை தன்வசப்படுத்து
செயலை நேர்வழிப்படுத்து
வளர்ச்சி தானேவரும்
உலகம் உனதாகும்
*
மனஇருளை விரட்டு
அகம் ஒளிரட்டும்
கோபத்தை அகற்று
குணம் மிளிரட்டும்
*
சகமனிதனுக்கு உதவு
தன்னலம் விலகும்
இறையருள் பெருகும்
ஈருலகும் இனிதாகும்
*
அன்பை விதை
அறிவை வளர்
அஞ்ஞானம் அகலும்
மெஞ்ஞானம் மிஞ்சும்
******
from: Abdul Kader Sangam <sangamsak@gmail.com>
No comments:
Post a Comment