மலரே அழுந்தாதே
அன்பார்ந்த அன்னையரே
அதிமதியுடைய மகளிரே
மன அழுத்தம் தினம் அழுத்த
அவதியுறும் யுவதிகளே
ஊரெல்லாம் ஓய்ந்துவிட
உறவெல்லாம் உறங்கிவிட
இரவெல்லாம் விழித்திருந்து
எதைத்தான் சிந்திப்பீரோ
இவ்விருள்தான் நீங்கிடுமா
இரவும்தான் விடிந்திடுமா
என்றெல்லாம் எண்ணியெண்ணி
எதைத்தான் சாதித்தீரோ
மறைந்துவிட்டக் கதிரவனுக்கு
உதித்தெழத் தெரியாதா
திரண்டுவிட்ட இருளையும்தான்
விரட்டிவிட முடியாதா
அஸ்த்தமன திசை குறித்து
அலட்டிக் கொள்ளாமல்
அடுத்தநாள் உதய ஒளியால்
நிரப்புங்கள் இதயத்தை
எதிர்மறை எண்ணங்களை
அதிகமாய் உருப்போட்டு
புதிர்களை உருவாக்கி
அதிலன்றோ அமிழ்கின்றீர்
அடைய விரும்புவனக்
கிடைக்குமென நம்புங்கள்
இறையை நம்பி நீங்கள்
முறையாய் முயன்றிடுங்கள்
வீட்டறையில் முடங்காமல்
வெளிக்காற்றை சுவாசியுங்கள்
காற்றலையில் கலந்துவரும்
கிளிமொழிகள் நேசியுங்கள்
தொலைக்காட்சி நெடுந்தொடரின்
வலைகளுக்குள் சிக்க வேண்டாம்
அபிமான நாயகியின்
அவலங்கண்டு அழவும் வேண்டாம்
எதிர்பார்ப்புகளைக் கூட்டி
ஏமாறுவதைத் தவிருங்கள்
எல்லா கனவுகளும்
பலிக்குமென்ற இச்சை வீண்
கணவனின் பார்வையில்
கண்டிப்பாய் காதலுண்டு
கைபிடித்த நாள்முதலாய்
கனியுமன்பு என்றுமுண்டு
பிள்ளைச் செல்வங்களுடன்
பேசுவதே பேரின்பம்
பாடம் ஓதிக் கொடுப்பதிலே
பாதிபாரம் இறங்கிவிடும்
நிறைவான குடும்பத்தில்
முறையான வாழ்க்கையிலே
குறைவில்லா மகிழ்ச்சி
இறைதந்த வரமன்றோ
அதை
பாரமென்று கருதி
சாபமாக மாற்றுதல்
தீர்வில்லா சுமைகொண்டு
அழுத்தாதோ மனத்தை
மாத்திரை மருந்தைவிட
மன அழுத்தம் போக்குதற்கு
மார்க்கத்தில் மறையுண்டு
மருந்திடவே இறையுமுண்டு
மன அழுத்த நிழல் படிந்து
மலர் வனங்கள் வாடிடாமல்
தினம் குளித்த பூக்களென
முகம் மலர்ந்து வாழியவே!
----------------------------
It all starts from a dot!
Let it get rid of your mind
and that of all its kind;
Will it be that hard- to
fill light in your heart?
painful events hurt - when
mindful of sorrows stored;
those happened, has happened
rose wouldn’t bloom if no thorns!
Think wise, twice or thrice;
such thoughts boost you rise;
if not a dot that to start
no any art gets smart!
Pick positives from the cluster
tick one by one when tested;
Feel the lights fill your mind
heal the wounds faster, you see !
-Sabeer ahmed abuShahruk
No comments:
Post a Comment