கவிதை - ஹிரோஷிமாவும் சில அணுகுண்டுகளும்

by நி.அமிருதீன்

#      அன்று 

     ஹிரோஷிமாவிற்கு 

அதிகாலையும் 

 இருளாகவே

 விடிந்தது! -பெரும்

 வெடிச்சத்தத்தோடு !!

#     வெடிச்சத்தம்

நின்ற பின்னும்

பரவியிருக்கும்

கந்தக வாடை வீசும்

புகை மண்டலங்கள்

ஆங்காங்கே

அடர்த்தியாய் !!

#     கண்ணுக்கெட்டிய வரை

சிதறிக்கிடக்கும்

சதைப் பிண்டங்கள்

கோரமாய் !!

#     பிரிந்து கிடந்த 

பிஞ்சு விரல்கள்

 பரிதாபமாய் !!

#     சாலைகளில் 

சரிந்து ஓடும் ரத்தம்

 சகதியாய் !!

#     உணர்வுகள் பிரிந்தும்

உயிர் உதிராத - சில

உடல்கள்!

பரிதவிப்பாய் !!

#     தலையிலிருந்து

விடுதலைபெற்று

வீதிக்கு வந்த- சிலரது

மூளைகள்!

சிதிலமாய் !!

#     தரையில் கழிவுகளாய்

மனிதக் குடல்கள்

அசிங்கமாய் !!

#     சிலருக்கு

சில இடங்களில் காயம்

பலருக்கு

உடலே காயமாய் !!

#     அலங்கரிக்கப்பட்ட

மணவறை - மாறியது

பிணவறையாய் !!

#     தெருவெங்கும்

மரண ஓலங்கள்

பிணக் குவியல்கள்

கொடூரமாய் !!

#     பிரிந்தவர்கள்

ஒன்று சேர்ந்தார்கள்

சடலங்களாய் !!

#     மருத்துவமனைகளில்

பல்லாயிரம் மக்கள்

திகைத்தவர்களாய் !!

#     பிணக் கிடங்கில்

பெற்றோரைத் தேடும்

பிஞ்சுகளின் பார்வைகள்

ஏக்கமாய் !!

#     பாலுக்காக

இறந்துவிட்ட தாயின்

மார்போடு போராடும்

மழலைகள்

பாவமாய் !!

#     ஆங்காங்கே

கருகிய மரங்களும்

கசங்கிய குடிசைகளும்

மீதியாய் !!

#     ஆரவாரமான

ஹிரோஷிமா

இப்போது

மயானக் காடாய் !!

#     இறைவா

என்று தீரும்

இந்த வெடிகுண்டு

நாசம் ?...............    …………………………..    …………....

(06/08/1946...நாகசாகி ஹிரோஷிமா மீது குண்டு வீசப்பட்ட தினம்)

From: amir voice <amirdeen71@gmail.com>

 வரும் ஆகஸ்ட் 6-ம் தேதி ஹிரோஷிமா நாகசாகி மீது அணுகுண்டு வீசப்பட்ட தினம். (06/08/1946.)

அந்த நாளை முன்னிட்டு ஒரு கவிதையை எழுதி உள்ளேன் 

இப்படிக்கு 

அமிருதீன்

திருச்சி.

2020-ஆகஸ்ட்-6.

--

தகவல் தந்தவர் :முதுவை ஹிதாயத்

www.mudukulathur.com

muduvaihidayath@gmail.com