பயணங்கள்

 பயணங்கள்

அன்னையின் மடியில் ஆரம்பப் பயணம்

தந்தையின் கரம்பிடித்து தளிர்நடைப் பயணம்

மூன்று வயதில் துவங்கும் கல்விப்  பயணம் .

ஆசிரியர் துணையுடன் அறிவுப் பயணம் .

 

பள்ளிப்பருவம் முடிந்து கல்லூரிப் பயணம்

எதிர்காலத்தை அதுவே  நிர்ணயிக்கும் பயணம்

அடுத்து துவங்கிடும் அலுவல் பயணம் .

பணம் சம்பாதிக்கும் சாகசப்  பயணம் .

 

இருபத்தைந்திற்கு மேல்  இல்லறப்  பயணம் .

துணையுடன் துவங்கிடும்  நல்லறப்  பயணம். .

வருங்காலத்திற்கு  வசதிகள் சேர்க்கவும் ,

அறுபது கடந்ததும் அமைதியாய் வாழவும்

வியர்வை சிந்தியும், விவேகமாய் சிந்தித்தும்  

உழைப்பை நல்கி உயர்ந்திடும் பயணம் .

 

சந்ததி பெருக்கிடும் சந்தோஷப பயணம் .

அவர்களை வளர்க்கும்  ஆனந்தப் பயணம்.

பிள்ளைகளுக்கு இல்லறம்  அமைத்திடும் பயணம் .

பேரக்குழந்தைகளுடன் பேரின்பப் பயணம் .

 

பெற்றோர் , உற்றோர்  என உறவுகளுடன் பயணம்

நண்பர்கள் துணையுடன்  நல்லதோர் பயணம் .

பணி ஓய்வு பெறும்வரை உழைத்திடும் பயணம் .

இனிமையாய் ஓய்வினை கழித்திடும் பயணம்.

 

பிறந்தவர்  பயணம் இறப்பினில் முடியும் .

பாதையில் ஆயிரம் பயணியர்  வருவார்

பாதியில் பலரும்  பாதை மாறுவார் .

இறுதிவரையில் உடன் வருவார் எவருளர் .

 

முதலும் தெரியாது , முடிவும்  தெரியாது .

இடையினில் சிலகால  வாழ்க்கைப் பயணத்தில்

இனியது பேசி, இனியன  செய்து

இயன்ற வரையில் உதவிகள் செய்து

இந்தப் பயணம் முடிவுற்றாலும் ,

இறந்தும் வாழ்வோம்  பலரது மனதில்

 

அன்புடன் சிலேடை சித்தர் சேது சுப்பிரமணியம்    

Muduvai Hidayath

Dubai - UAE

+971 50 51 96 433

muduvaihidayath@gmail.com

www.mudukulathur.com