Monday, June 5, 2017

வல்லோனே…. ஏகனே இறையோனே ….!

இறையே இறையின் நிறைவே 
=== அருளே அருளின் அருவியே 
ஒளியே ஒளியின் ஒளிர்வே 
=== கருவே கருவின் கர்த்தாவே!
ஆதியே ஆதியின் ஆரம்பமே 
=== உண்மையே உண்மையின் ஊற்றே 
தூய்மையே தூய்மையின் உறைவிடமே 
=== பெருமையே பெருமையின் பிறப்பிடமே!
புனிதமே புனிதத்தின் புண்ணியமே
=== கருணையே கருணையின் கடலே

நேசமே நேசத்தின் வாசமே 
=== அன்பே அன்பின் ஆசுவாசமே!
அறமே அறத்தின் ஆரம்பமே 
=== தனிமையே தனிமையின் தனித்தன்மையே 
ஒன்றே ஒருமையின் ஒருவனே
=== நிகழ்வே நிகழ்வின் நிதர்சனமே!
தொடக்கமே தொடக்கத்தின் தொடர்பே 
=== நடப்பே நடப்பின் நாயகனே 
முடிவே முடிவின் முழுமையே
=== வல்லோனே ஏகனே இறையோனே!!

No comments: