Sunday, July 19, 2015

மொழிச் சித்திரம்: சித்தம் போக்கு! / தாஜ்

காதல் உடை
மோதல் நடை!
மாண்பு உடை
வீம்பு நடை
கூட்டை உடை
விவேக நடை
உடை உடை நடை நடை!

நவகாளி முகுர்த்த நடை
காந்தியை சுட்டொழித்த நடை
மசூதி இடிப்பு நடை
மும்பாய் வெடிப்பு நடை
கோத்ரா நடை
மோடிகளின் நடை
குஜராத் கறுப்பு நடை
கசாப்பு கடை நடை
நடை நடை
அல்-கொய்தா காழ்ப்பு நடை
குண்டுகள் வெடிக்கும்
அரக்க நடை
கோவை குண்டு நடை
ரயிலில் நாச நடை
நடைப் பாதைகளும்
அது வெடிக்கும் நடை
தெறிக்கும் உயிர்களில்
அது களிக்கும் எதிர் நடை!

நடை உடை நடை
காவி உடை
பச்சை உடை
சிகப்பு உடை
கருப்பு சிகப்பு உடை
இடை வெள்ளை உடை
சிகப்பு வெள்ளை பச்சை உடை
கொடி கட்டிப்
பறக்கும் வர்ணமெல்லாம்....
உடை உடை உடை
நடை உடை நடை உடை
கல்லிலே சிலை
மண்ணிலே பொன்னு
பெண்ணிலே பிள்ளை
பிள்ளைக்குள் பிள்ளை
ஒன்றுக்குள் ஒன்றான நடை
அழிவிலே துளிரும் ஆரம்ப நடை
நடை நடை நடை
உடை உடை உடை!

Taj Deen

No comments:

LinkWithin

Related Posts with Thumbnails