அரசியல் பருந்துகள்
நம் வாழ்வின்
அத்தனை சுகங்களையும்
கடிதில் கவ்விச் செல்கிறார்கள்
நரி வடை கவ்விச் செல்வதைப்போல
திருட்டு என்றால்
எதைத்தான் திருடுவது என்று
ஒரு வெட்கம் வேண்டாமா
சோறு திருட்டு
சுகம் திருட்டு
வேலை திருட்டு
வசதி திருட்டு
உரிமை திருட்டு
உறக்கம் திருட்டு
என்பதெல்லாம் போக
நீர் திருட்டு
நிலம் திருட்டு
நெருப்பு திருட்டு
காற்று திருட்டு
ஆயாகம் திருட்டு
என்று
பஞ்ச பூதங்களைக்கூட
எப்படித்தான் திருடுகிறார்களோ
பச்சைத் திருடர்கள்
இங்கே பாருங்கள்
ஒரு குளம் திருட்டுபோன
அவலத்தை
கணிஞர் மணிவண்ணனோடு
சென்னையில்
ராமகிருஷ்ணா
மருத்துவமனை சென்றேன்
அங்கே பெரும் ஏரியின்
திருட்டுபற்றி
அங்கலாய்த்தார் அவர்
மணி மணிவண்ணன்
உங்கள் ஊர் கொஞ்சம் பெருசு
அதனால் அங்கே ஏரி திருட்டு
எங்கள் ஊர் சிறுசு
ஆனாலும் விடமாட்டார்கள்
இங்கே குளங்கள் திருட்டு
கேணிகள் திருட்டு
சின்னச்சின்ன
குட்டைகளும் திருட்டு
குட்டை மட்டுமா திருட்டு
குட்டையின் மண் திருட்டு
மண்ணின் தூசும் திருட்டு
காப்பொன்னிலும்
மாப்பொன் எடுப்பான்
பத்தன் என்பது நக்கல்மொழி
காலேயரைக்கா மண்ணானாலும்
அப்படியே கவ்விக்கொள்வான்
அரசியல்வாதி என்பதே
நடப்புமொழி
சளியைக்கூட
பொத்தி வையுங்கள்
வருகிறார்கள் வருகிறார்கள்
இதோ வந்தேவிட்டார்கள்
வெள்ளாடை போர்த்திய
கறுவுளக் கொள்ளையர்கள்
No comments:
Post a Comment