என்றும் கவியுடன் முஹம்மது முஸம்மில்
குழந்தையாய் தரித்தாய்
குமரியாய் நடந்து
இல்லத்தை நிறைத்தாய் நீ
மணமகன் கண்டு
மணப்பெண்ணாகி
மனைவியாய் மாறி
பணிவிடை செய்தாய் நீ
மயக்கம் தலைசுற்றல் குமட்டல்
அனைத்தையும் தனதாக்கிக்கொண்டு
கரு வளரவளர பூரிப்படைந்தாய் நீ
சரிந்து படுத்தால்
கொடி சுற்றுமென்று
நிமிர்ந்தே படுத்து
விட்டத்தைப் பார்த்தாய்
கைவைத்து உயிரோட்டத்தைப்பார்த்த
முதல் மருத்துவச்சி நீ
உருளும் உணர்வை
நீயறிந்து சொல்லிசொல்லி
ஆனந்தம் கண்டாய் நீ
காலம் வந்தது
வெளிவர நேரம் வந்தது
நரம்புகள் ஒடிய
அகிலமே பிளக்கும்
அதிர்வின் ஓசையில்
அழுகையோடு பிறந்த
என்முகம் கண்டு மறுநொடியே
அத்தனையும் மறந்தாய் நீ ....
என்றும் கவியுடன்
முஹம்மது முஸம்மில்.
No comments:
Post a Comment