மேலும் மேலும்
இத்தனைச் சோதனைகளா
என்றால்
ஏதோ மிக நல்லதொன்று
உங்கள் வாழ்வில்
வெகு விரைவில் மலரப் போகிறது
கரி
மேலும் கருகிக் கருகி
இறுகுவது
வைரமாவதற்குத்தான்
உங்கள் வழமையான
அன்பிலும் பண்பிலும்
நயாகராவாகவே
இருங்கள்
வந்து குவியும் துக்கங்களை
வந்த நொடியே
காலைக் கடன்போல
வெளியேற்றிக்கொண்டே
இருங்கள்
ஏறும் துன்பம்
எதுவென்றாலும்
இறங்குவதே இல்லை
அதைச்
சுமந்து கொண்டே
நின்றால்
உங்களை
உண்மையிலேயே
உயிரில் வைத்து நேசிப்பவர்கள்
யார் யார் என்பதை
இம்மாதிரியான நேரத்தில்
கணக்கெடுத்துக்கொண்டே
இருங்கள்
பகட்டுகளையும்
ஏமாற்று வித்தைகளையும்
அடையாளப்படுத்திக்கொண்டே
இருங்கள்
இறைவன் உங்களை
அடுத்ததோர் உயர் நிலைக்குத்
தயார் செய்கிறான்
வெற்றி பெறுங்கள்
வாழ்த்துக்கள்
அன்புடன் புகாரி
https://anbudanbuhari.blogspot.in
No comments:
Post a Comment