நபிகள் நாயகம்(ஸல்) அவர்களின் திருமணங்கள்

 

நபிகள் நாயகம்(ஸல்) அவர்களின் திருமணங்கள்

 

1 – கதீஜா(ரலி) அவர்கள்

 

அன்னை கதீஜா(ரலி) அவர்கள் கிபி 556ம் ஆண்டு பிறந்தவர்கள்.இவர்களுக்கு தாஹிரா – பரிசுத்தமானவள் என்ற பெயரும் உண்டு.

 

கதீஜா (ரலி) அவர்கள் நபி(ஸல்) அவர்களைத் திருமணம் முடிப்பதற்கு முன்னர் அபூ ஹாலா பின் ஸுராரா என்பவரையும்,அவருக்குப்பின் அதீக்பின் ஆயித் என்பவரையும் திருமணம் முடித்திருந்தார்கள். அவர்களிருவரும் மரணித்த பின் கதீஜா (ரலி) அவர்கள் விதவையாக வாழ்ந்து வந்தனர்.   நபியவர்களைத் திருமணம்முடிக்க முன்னர் கதீஜா (ரலி) அவர்கள் ஏற்கனவே முடித்திருந்த அபூஹாலா மூலமாக  ஹிந்த்,ஹாலா ஆகிய இரு பெண்களுக்கும், அதீக் என்ற கணவர் மூலமாக ஹிந்த் என்ற பெண் பிள்ளைக்கும் தாயாக இருந்தார்.

 

செல்வ சீமாட்டியாக விளங்கிய இவர்களின் வியாபாரம் சிரியா வரை விரிந்து பரந்து இருந்தது. தனது வியாபாரத்தை நல்ல முறையில் நடத்திய நபிகள் நாயகம்(ஸல்) அவர்களை மணமுடிக்கிறார்கள்.அப்போது அவர்களின் வயது 40, நபி(ஸல்) அவர்களுக்கு வயது 25

 

இஸ்லாத்தை ஏற்ற முதல் மனிதர் இவர்கள்தான்.

 

நபி(ஸல்) அவர்களுக்கும் கதீஜா(ரலி) அவர்களுக்கும் பிறந்த குழந்தைகள்

 

(1)  காஸிம், நபித்துவ வஹி வருவதற்கு முன்பே இறந்துவிட்டார்கள்

(2)  அப்துல்லாஹ்(தாஹிர், தையிப்) இவர்களும் நபித்துவ வஹி வருவதற்கு முன்பே இறந்துவிட்டார்கள்

(3)  ருகையா(ரலி) – ஹிஜ்ரி 2ம் ஆண்டு மரணித்தார்கள்.

(4)  ஜைனப்(ரலி) – ஹிஜ்ரி 8ஆம் ஆண்டு மரணித்தார்கள்

(5)  உம்மு குல்ஸூம்(ரலி) ஹிஜ்ரி 9ம் ஆண்டு மரணித்தார்கள். மேற்கண்ட அனைவரும் நபிகள் நாயகம்(ஸல்) உயிரோடு இருக்கும் போதே மரணித்துவிட்டார்கள்

 

(6)  பாத்திமா(ரலி) – இவர்கள், நபி(ஸல்) அவர்கள் மரணித்து ஆறுமாதம் கழித்து மரணித்தார்கள்.

 

நபி (ஸல்) அவர்கள் கூறினார்கள், “இவ்வுலகிற் சிறந்த பெண் மர்யம் (அலை)  ஆவார். இவ்வுலகிற் சிறந்த மற்றொரு பெண் கதீஜா (ரலி) ஆவார்” [அறிவிப்பவர்: அலி (ரலி), ஆதாரம்: புகாரி 3432, முஸ்லிம் 4815].

மேலும் முழு கட்டுரை  படிக்க இதனை கிளிக் செய்யுங்கள்  

நபி முஹம்மது (ஸல்) அவர்களுக்கு பன்னிரெண்டு மனைவியர்கள் இருந்தார்கள். 1) கதீஜா பின்த் குவைலித் (ரழி), 2) ஆயிஷா பின்த் அபூபக்கர் (ரழி), 3) ஸவ்தா (ரழி) 4) ஹஃப்ஸா பின்த் உமர் (ரழி), 5) ஸைனப் பின்த் ஜஹ்ஷ் (ரழி), 6) ஸைனப் பின்த் குஸைமா (ரழி), 7) உம்மு  ஸலமா (ரழி), 8) ஜுவைரிய்யா  (ரழி), 9) உம்மு  ஹபீபா (ரழி), 10) ஸஃபிய்யா பின்த் ஹுயய் (ரழி), 11) மைமூனா (ரழி), 12) மாரியத்துல் கிப்திய்யா (ரழி),  ஆகியோர் நபி (ஸல்) அவர்களின் மனைவியர்கள் ஆவார்கள். ஆதார நூல்கள்: ஃபத்ஹுல் பாரீ & தபக்காத் இப்னு ஸஅத்.