கவிதையின் கதை - அன்புடன் புகாரி [பகுதி-4]

வருடங்கள் மூவாறு
வாழ்வளித்தப் பாலையிலே
உருண்டோடி விட்டபின்னர்
ஊர்தேடிப் புறப்பட்டேன்

அரும்புகளின் கல்வியெண்ணி
அப்படியே திசைமாற்றம்
அருமைநிலம் கனடாவில்
அவசரமாய்க் குடியேற்றம்

கனவுகண்ட புதியபூமி
கருணைமனத் தூயவானம்
இனங்களெலாம் இணைந்துபாடும்
இனியரதம் கனடியமண்

எதிர்பார்ப்பு

கருவும் உருவாகிக் காண எதிர்பார்ப்பு

கருமை முகில்கூடும் காட்சி எதிர்பார்ப்பு

பெருகும் விலைவாசி பேரம் எதிர்பார்ப்பு

உருகும் நிலைபோக உண்மை எதிர்பார்ப்பு

படிக்கும் பருவத்தில் பண்பின் எதிர்பார்ப்பு

அடிக்கும் தருவாயில் அன்பின் எதிர்பார்ப்பு

துடிக்கும் உடலும்தோள் தொங்க எதிர்பார்ப்பு

வடிக்கும் கவிதைக்கு வார்த்தை எதிர்பார்ப்பு

நகைக்கும் சிரிப்புக்கு நாடே எதிர்பார்ப்பு

பகைக்கும் குணத்திற்குப் பாவம் எதிர்பார்ப்பு

மிகைக்கும் கருணைக்கு மேன்மை எதிர்பார்ப்பு

புகைக்கும் பழக்கத்தால் புற்றே எதிர்பார்ப்பு

< கவியன்பன்” கலாம்,Kalam Kader

 From: Abulkalam bin Shaick Abdul Kader
<kalaamkathir7@gmail.com>

உன்னையல்லால் யாரைக் கேட்போம்!

இறையோனுக்கு இணையுமில்லை துணையுமில்லை
இறைஞ்சுவோனுக்குஇணையுமுண்டு  துணையுமுண்டு
ஆளுகை செய்கிறவன் அவன்
பேணுதல் செய்கிறவர் மனிதன்

இறையோனாய் இருப்பவன் இறைவன்
இறைஞ்சுவோனாய் இருப்பவன்  மனிதன்
வேண்டுபவனாய் இருப்பவன் இறைவன்
கேட்பவனாய் (வேண்டல் ) இருப்பவன் மனிதன்

இறைவனை நாடி சான் போனால்
நம்மை  நாடி முழம் வருவான்
அவனை நாடி முழம் போனால்
நம்மை  நாடி பாகம் வருவான்

கருணையால் நம்மை பிறக்க வைத்தான்
தொழுகையால் அவனை நேசிக்க வைத்தோம்
உன்னையல்லால் யாரைக் கேட்போம்