ரமழான்_பிறை ... /நிஷா மன்சூர்

லைலாவை எல்லோரும் காதலிக்கலாம்;

லைலா என்னைக் காதலிக்கிறாள்.

#ரமலான்_பிறை_1

என்னுள் புதைந்திருக்கும் பொக்கிஷம் நீ

உன்னால் பகிரங்கமான ரகசியம் நான் 

#ரமலான்_பிறை2

நானெனப்படுவது நிழலின் கனவு

நீயாக நிலைத்திருப்பதே நிஜத்தின் செறிவு 

#ரமழான்_பிறை3

நிஜமும் நிழலுமாய்  இரண்டு கண்டேன்

நிஜம் அகன்றபின் ஒன்றையும் காணேன்

இருமை என்பது தோற்றப்பிழை

உள்ளது ஒன்றே பிரபஞ்ச நிஜம்

#ரமழான்_பிறை_4

நீரைப்போல நிறைந்திருக்கிறாய் நீ

காற்றைப்போலக் கலந்திருக்கிறாய் நீ

#ரமழான்_பிறை5

நிராமயமாய் நின்றிலங்கும் புராதனப் புதுமை நீ

நின்கருணை வேண்டி நிற்கும் நிறையிலி பதுமை நான்

#ரமழான்_பிறை_6

பசித்த காற்று மோதி அலையும் காலி வயிற்றைக்  

காணிக்கை வைத்தேனென் கத்தனே ரஹ்மானே 

#ரமழான்_பிறை_7

வெளிப்பட்ட அழகெல்லாம் உனதென்று உணர்ந்தேன்

புகழப்பட்ட புகழெலாம் உனக்கென்று தெரிந்தேன்

#ரமழான்_பிறை_8

சர்வ கோலங்களாய் வெளியான மெய்க்கோலமும் நீயே 

சகல குணங்களாய் வெளியான சற்குணமும் நீயே

#ரமழான்_பிறை_9

வயிற்றின் பேச்சு ஆன்மாவுக்குப் புரியும்போது

உலர்ந்த நாவில் ருசிக்கிறது நோன்பின் சுவை 

#ரமழான்_பிறை_10

தாய் அமுதூட்டுவதுபோல

நோன்பு அருளூட்டுகிறது

நான் பசியுடன் இல்லை

நோன்புடன் இருக்கிறேன்

#ரமழான்_பிறை_11

நிஷா மன்சூர்

நிஷா மன்சூர்