கையை விட்டுப் போனால்கல்லும் வைரமாக
கையிலேயே இருந்தால்
வைரமும் கல்லாக
குறையுள்ள
மனம் தந்தாய் இறைவா
கையை விட்டுப் போகுமென்று
முன்பே அறிந்திருந்தால்
உயிரைக் கரைத்து ஊற்றி
ஒட்டுப்பசை நெய்திருப்பேன்
கையை விட்டுப் போகாதென்ற
கர்வத்தில்தானே நான்
கயிறிழுத்துப் பார்த்தேன்
வைரக் கல்லும் போனது
வைராக்கியக் கயிறும் போனது
கனவின் இழையும் பிரிந்தது
உயிரின் உயிரும் மரித்தது
குறையுள்ள
மனம் தந்தாய் இறைவா
வந்ததில் தவறில்லை
சென்றதும் தவறில்லை
வருவதும் போவதும்
வாய்ப்பதும் கழிவதும்
வாழ்க்கையின் நிகழ்வுகள்
வந்தது கல்லாக
சென்றது வைரமாக
கருத்துப் பிழை
வருவதென்ன நியாயம்
குறையுள்ள
மனம் தந்தாய் இறைவா
தொகுப்பு: அறிதலில்லா அறிதல்
நன்றி உங்களுக்கு;"அன்புடன் புகாரி
No comments:
Post a Comment