வணங்காமுடியார், அரசார், மதனார் யார் எதில் சிறந்தவர்? - குழந்தைவேலு, புதுவை.
அதை வாசகர்கள்தாம் முடிவு செய்ய வேண்டும்."ஜெயலலிதா போயஸ் கார்டனையும் மனநல மருத்துவமனையாக மாற்றி அறிவித்தாலும் ஆச்சரியப்படுவதற்கு இல்லை" என்கிறாரே மு.க. ஸ்டாலின்? - சிவா, மயிலாடுதுறை. ஆத்திரத்தின் வெளிப்பாடு.கையில் நாலு காசு சேரும்போது பதட்டமாகவும், காசு இல்லாதபோது எரிச்சலாகவும் உள்ளது. ஏதாவது இலவச ஆலோசனை தாருங்கள். - சிக்கந்தர், மண்ணடி.
வணங்காமுடியைப் போல் தேவைக்கு மட்டும் காசைத் தேடிக் கொண்டால் போதும்.
செலவுகளுக்குத் தக வரவைத் தேடி, வரவுக்குத் தக செலவு செய்தால் பதட்டமும்
இராது; எரிச்சலும் வராது.
மரணம் எப்போது என ஒரு மனிதனுக்குத் தெரியுமானால் அவனது வாழ்க்கை எப்படி இருக்கும் வணங்காமுடியாரே? - அனு, நெய்வேலி.மரணதண்டனை
விதிக்கப்பட்டுள்ள கைதிகளுக்கு மரண நாளும் நேரமும் முன் கூட்டியே தெரிந்து
விடும். சிலர் பிரார்த்திப்பார்களாம்; சிலர் அழுது அரற்றுவார்களாம்; சிலர்
விரக்தியாய்ச் சிரிப்பார்களாம்; சிலர் பைத்தியம்போல் உளறுவார்களாம். இவை
சில கைதிகளின் சிறை அனுபவப் புத்தகங்களில் படித்தவை. "இலவசங்கள் இனி இல்லை" என்று ஏறக்குறைய முடிவெடுத்திருக்கும் முதல்வர் ஜெ.யின் போக்கு சரிதானே? - ப.கோ. வசீகரன்.
ஜெயலலிதா
வாக்களித்த இலவசங்களை வழங்கி முடிக்கும் முன் அடுத்த பொதுத் தேர்தல் வந்து
விடும். பின் மீண்டும் இலவசங்களை வழங்குவதாக வாக்குறுதி அளிக்க வேண்டி
வருமே?
நீங்கள் வினவியுள்ளபடி "இலவசங்கள் இனி இல்லை" என பொதுமக்களிடம் அறிவிக்க ஜெயலலிதாவுக்குத் தைரியம் உண்டா? அடுத்த தமிழக ஆளுநர் யார்? - ரஞ்சனி, ஈரோடு.ஜெயலலிதாவுக்கு இணக்கமானவர்.இமயமலையில் நீண்டநாட்களாக உயிர்வாழும் பாபாவைச் சந்திக்காமல் தன் கிட்னி மாற்று சிகிட்சைக்காக ரஜினிகாந்த் சிங்கப்பூர் ஏன் சென்றார்? - முருகேசன், பெரம்பூர். சிகிச்சை அவசரம்! பிறப்பொக்கும்
எல்லா உயிர்க்கும். ஆனால் பிறந்தவுடன் சாதி ஒட்டிக் கொள்கிறதே! சாதி
அடிப்படையில் கல்வி மற்றும் வேலை வாய்ப்பில் இடஒதுக்கீடு வழங்க
வேண்டுமானால் சாதியை அரசாங்கம் அங்கீகரித்தே ஆக வேண்டும். சாதி
அடிப்படையில் எங்களுக்குச் சலுகை வேண்டாம் என்று அனைத்து சாதிகளும் கூறும்
நிலையில் இந்தியா இல்லையே! இன்னும் தீண்டாமைக் கொடுமையும் இரட்டைக் குவளை
முறையும் நீடிக்கிறதே. பிறப்பொக்கும் எல்லா உயிர்க்கும் என்பது ஏட்டில்
மட்டுமே உள்ளவரை அரசைக் குறை கூறுவதில் அர்த்தமில்லை. ஒன்றரை மாத ஜெ.வின் ஆட்சி எப்படி உள்ளது?- அப்பாஸ், நெல்லிக்குப்பம்ஒன்றரை
மாதத்தில் எதுவும் சொல்ல முடியாது. ஆனால் முதலமைச்சர் நாற்காலியில்
முழுதாக அமரும் முன்பே தலைமைச் செயலக மாற்றம், சமச்சீர் கல்வி வழக்கில்
எதிரிடையான நீதிமன்றத் தீர்ப்பு, இரு முறை அமைச்சரவை மாற்றம் மற்றும்
மரியம் பிச்சை மரணத்தில் சதி எனப் பரபரப்புத் தகவல் போன்றவை பட்டியலில்
ஏறியுள்ளன.குழந்தைகள் புத்தகங்களின்றி பள்ளி சென்று வருவதைப்பற்றி வமுவின் கருத்து என்ன?- சி. கோயா புத்தகங்களின்றி வகுப்பை நடத்தும் ஆசிரியர்களைப் பாராட்டியே தீர வேண்டும். உயர் நீதிமன்றத் தடையை எதிர்த்து உச்ச நீதிமன்றம் போகுமளவுக்கு சமச்சீர் கல்வி மேல் ஜெயாவுக்கு என்ன கோபம்? - பாபு, கீழக்கரை. கனிமொழி, கருணாநிதி எனும் இரு பெயர்கள்.
சட்டசபையில் எதிர்க்கட்சித் தலைவர் விஜயகாந்தைக் கருப்பு எம்ஜிஆர் என்று யாரேனும் புகழ்ந்தால் முதல்வர் ஜெயலலிதாவின் ரியாக்சன் எப்படி இருக்கும்? - சுரேஷ்-கோபிச்செட்டி பாளையம்.கருப்பு எம் ஜி ஆர் எனும் பெயர் விஜயகாந்துக்கு எப்படிப் பொருந்தும்?மத்திய அரசின் உயர் பதவிகளில் கேரளாவைச் சேர்ந்தவர்கள்தான் இருக்க முடியும் என்பது போன்ற சூழல் நிலவுகிறதே! என்ன காரணம்? - சுரேஷ், மதுரை. ஒரு வகையில் உன்மைதான்.தண்ணீருக்கு அடியில் கண்ணீர் விட முடியுமா...? - சீதா, நாகர்கோவில். முடியும்; ஆனால் அது நீரில் கலந்து விடுவதால் வெளியே தெரிவதில்லை.ஸ்பெக்ட்ரம் ஊழலில் கைதாகிச் சிறையில் இருக்கும் ராசா அனுபவிக்கும் வசதிகளைப் படித்தால் அவர் கைதி மாதிரியே தெரியவில்லையே? எல்லா அரசியல் கைதிகளுக்கும் இம்மாதிரி வசதிகள் கிடைக்குமா? - ப.கோ. வசீகரன்.
கொலைக்குற்றத்தில் கைது செய்யப்பட்ட சங்கராச்சாரி சிறையில் அனுபவிக்காத வசதிகளா? பாடத்தில் செக்ஸ் கல்வி அவசியம் என்கிறார்களே, செக்ஸ் கல்விக்காகவே தனிக்கல்லூரி நிறுவினால் என்ன? - சபாபதி, சேலம். நல்ல ஆள்தாம் போங்கள். நாய்களுக்காக விற்கப்படும் உணவில் புதிய சுவைகூட்டப்பட்ட உணவு என்று விளம்பரப்படுத்தப்பட்டுள்ளது, அதை எப்படி சோதித்து தெரிந்து கொள்வது? - ராஜன், மதுரை.நீங்கள் சுவைக்க வேண்டாம். உங்கள் நாய் வெளிப்படுத்தும் மகிழ்ச்சியில் அறிந்து கொள்ளலாம். காப்பிரைட் சின்னத்தை யார் காப்பிரைட் செய்துள்ளார்கள்? - ஜோஸ், சென்னை. யாரும் இல்லை. எனவே அதை நீங்கள் பயன்படுத்தத் தடை இல்லை.தன்னார்வமாகச் செய்யும் பணிகளில் கூட சில வேளைகளில் அயர்ச்சி ஏற்படுகிறதே. என்ன காரணம்? - பூபதி, மைசூர். உடனிருக்கும் சக தன்னார்வலர்களும் நம்மைப் போல் நேரம் காலம் தவறாமை பேணிச் சேவையாற்றுவர்; கொடுத்த பொறுப்பை நிறைவேற்றுவர் என்ற நம்பிக்கை தளரும்போது அயர்ச்சி ஏற்படுவது தவிர்க்க முடியாதது. அகிலன், ஜெயகாந்தனுக்குப் பிறகு ஞானபீட விருது தமிழ் எழுத்தாளர்களுக்கு வழங்கப்படவில்லையே..ஏன்? - அரசு, மதுரை.தமிழில் ஞானபீடப் பரிசுக்குத் தகுதியான எழுத்தாளர்களோ தரமான படைப்புகளோ இல்லை என்று அவர்கள் கருதுவதால் இந்நிலை இருக்கலாம்.மின்மினிபூச்சிகள் எவ்வாறு ஒளியெழுப்புகின்றன? - வைதேகி,சென்னை.
மின்மினிப் பூச்சியின் வயிற்றில் இருக்கும் ஒரு வகையான உயிரணுக்களில் luciferin என்ற வேதிப் பொருள் உள்ளது. இந்த உயிரணுக்கள் மூச்சுக் குழலுடன் இணைக்கப்பட்டுள்ளதால் மின்மினிப் பூச்சி சுவாசிக்கும்போது பிராண வாயுவுடன் அடிவயிற்றிலுள்ள லூசிபெரின் சேர்ந்து ஒளியை உமிழ்கிறது. இது ஒரு bio-chemical நடைமுறையாகும்.புதிய அமைச்சர்கள் தங்களது சொத்துப் பட்டியலை வெளியிடுவார்களா? - ராஜா, ஒரத்தநாடு.தேர்தலில் வேட்பு மனு அளித்த வேளையில் சொத்துக் கணக்கைக் கொடுத்துள்ளார்களே. 
